Bastat Kasama Kita

Kaibigan kita simula pa nung una
Laging kasama sa lahat ng lakwatsa
Hindi ko namalayan puso ko'y nahulog na
Hanggang tuluyang umibig sa'yo sinta.

Pinilit kong ikaw ay iwasan
Pinilit kong ikaw ay kalimutan
Dayain ko man tunay na nararamdaman
Ikaw pa rin laman nitong aking isipan.

Sabi nila ang ibigin ka ay mali
Ngunit sa batas ni Kupido ako ay wagi
Lahat man ng kaibigan sa atin ay humadlang
Ipaglalaban kita hanggang sa walang hanggan.

Ngayon tayo'y nahaharap sa mga paghuhusga
Ng ibang mga tao sa atin ay nakakakita
Sabihin man nila ako'y hibang sa'yo sinta
Okey lang sa akin bastat kasama kita.

Lihim na Pagtingin

Nang una kang makilala ay nabighani mo na
Ang puso kong tunay kung umibig sinta
Taglay mo kasi ay sadyang kakaiba
Kaya naman ako sayo’y natataranta

Puso mo man ay walang umaangkin
Puso ko naman ay kailangang magpigil
Dahil pagkakaibigan ay baka matigil
Kung pag-ibig ko ay sa’yo ipararating

Mabuti na ang umibig ako ng patago
Dahil sa’yo baka ako ay mabigo
Sapat na ang mga araw na lagi kang kasama
Kabiruan, kakwentuhan, kasama sa lakwatsa

Sana sa tulang ito ay aking maiparating
Sa isang kaibigan ang lihim kong pagtingin
Dahil kung kanyang malalaman ang nais kong sabihin
Sapat na iyon, ano man ang maging dating